World In Front Of Me - Kina Grannis Original *available on iTunes*

لأن الكِـتَابة دَواء كَـان لَابُد أنْ أكْتُب !

مزاجي كلش مو كتابه بس بكتب :]
بسم الله الرحمن الرحيم
بقول عن الكتابه برايي انا الشخصي ومنظوري وشنو الي اشوفه :D
الكاتب
من هو الكاتب .. الكاتب هو انسان حساس عشتو 
ومليان افكار ولازم يكون عنده منطق وتفكير
بس في شغله مهمة
شنو؟
الكاتب لازم يكون عنده اسلوب
ولازم ما يكون عنصري
ولازم مايكون وايد تقليدي
لانه احنا الحين بزمن الكل يبي يسوي
شي واو انا ماتحجى عن الكتابه بس
بس الحين الكاتب ليمن يبي يجذب القارئ 
شلون ؟
لازم العنوان يشد اولا
مقدمه حلوه ثانيا
ومضمون مفيد وحلو وواقعي
بعدة نواحي اذا كان رواية
قصه خخ يعني فرقت
ولا كتب الابراج ولا شخصيتك من جوتيك :P
هذي كتب نوعها تكون للتسلية وحق وقت الفراغ
اما النوع الثاني
القراءه للبحث وكسب المعلومات والاطلاع
وهذا اقوى شي عندي
في كتب حق مراجع وفي كتب حق شخصيات عظيمه
وفي كتب حق احداث وتواريخ عظيمه
انزين انا تكلمت عن الكتب عموما
الحين بكتب عن الناس الي يكتبون
في ناس تكتب خواطر الي اهي مشاعرها
في ناس تحب تكتب احداث
وفي ناس تكتب احلامها 
مثلي انا اكتب احلامي علشان ما انساها 
لان اكتشفت الحلم يكون شي يتمناه الشخص وتكون رموز حق تحليل شخصيته
المهم
وفي ناس تكتب راي او مقالات نقدر نقول لمختلف المجالات 
الي سياسي وصراحة ودي اجرب حابه السياسه هالايام :P
والي اقتصادي والي اجتماعي احلا واحلا
وهكذا
نسيت اقول انا ما قاع اتفلسف يعني انا الكاتبه 
انا لا كاتبه ولا هم يحزنون انا قاع اكتب عن الي يكتبون :P
انزين انا الحين بقول الي يكتب شنو يستفيد شنو تعطيه الكتابه ؟
ثمرات الكتابه هي :
اتخليه متحدث افضل
واسلوبه حلو يكون طبعا 
تفكير ناضج اكثر لانه يبحث هالشي يخليه يفج مخه اكثر
اوكي ويخليه مرتب ومنظم
لانه الكاتب اذا بيكتب لازم يبنظم افكاره
مو مثلي اكتب كلام سايح على بعضه :P
والكتاب اهو صديق القارئ  ♥
وعليكم بالقراءه ومن ناحيتي انا
اقول اقرو شي يفيدكم احسن
اقرو عن الفقه :P
نصيحة ابوي المعتاده خخخ
ويلا مع السلامه:*

Hannah Montana Miley musik video - The Climb

Thats Tottaly True.<3

خـربـشـآت

جذي قررت اكتب بدون عنوان محدد
بدون موضوع محدد 
بخلي الكلمات جذي تطلع بروحها ..
انا قبل شوي كنت قاعده اسمع
اغنيه حق اصالة "قانون كيفك" احب كلماتها
أنا أنا , انت انت
لك كيانك لي كياني
ليه جامعني معاك ؟
ما اخضع لقانون كيفك سلطتك ,ريك ’هواك
انا ما اقدر اكون الي تبيه انا ما اقدر اكون الا انا
ودي اوجه هالكلام حق وايد ناس
مو معناته انه بيني وبين اي احد عداوات
بس انا قاعده بمجتمع 
ينتقد يراقب وينقد باللي جدامه
اي ليش؟
ليش هالمجتمع يفرض على كل الناس
تصرف معين طبعا انا الحين مو اب بالي اي مثال
بس ليش في معايير محدده حق البنت السنعه اوالي تكون ناضجه
الخ كل واحد ونظرته للاوادم
طبعا الاغلبيه يحكم عالبنت من مظاهر او موقف 
نظرة بالمجتمع وما اقدر امحيها لان شي منشر بشكل قوي 
بس انا عندي بحياتي امثله حيه اهي الي خلتني اتكلم بهالسالفه
شوفو انا ادري كلامي سايح على بعضه 
بس الزبده يا جماعه لحد يحكم على احد بأي تصرف كان
ولو فرضا حكم عالاقل لا يصير قيل وقال
انا الحين ما عندي اي مشكله .. بس يعني صارت فيني اول
واهم شي المواجهه
نقطة ثانيه
دام اني قاع اتكلم عن اغنية اصالة قانون كيفك
فيه مقطع تقول 
"من خسر نفسه هدم مهما بنا "
واايد احب هالجمله لان واايد واقعيه
فيعني تبين ان الواحد لازم يبني شخصيته 
ويوازن عدل بتصرفاته وتفكيره
علشان مثل ما قالت ما يهدم مهما بنا
ويلا هذا الي طلع وياي وقواكم الله :*

من أنا ؟ .. who i am ?

بسم الله الرحمن الرحيم


اذا ببدي اعرف بنفسي
انا انسانه صغيرة في العمر تقدرون تقولون
في قيد تكوين شخصيتي
بس اذا بتكلم عن نفسي
انا انسانه مليانه افكار وكلمات
مبعثره من الداخل
جدا احتاج للترتيب بحياتي
واحب السلام والنظام 
واكره الفوضه .. لا اعني بالفوضه
الترتيب وعكسها اتكلم عن وضع
من كل النواحي .. اوكي
لي اهتمامات مختلفه بعدة نواحي
لحد الان ماحددت
هويتي شنو الشي الي اقدر اعبر فيه عن نفسي
احب الكلمات جدا جدا احبها
احب ادور كلمات تعبر عن الي بداخلي
احب الكتب احب الافلام احب الاطلاع
هذي ميولي لحد الان
لان ما اعرف شنو اكتب عن نفسي
هل التعريف عن نفسي يكون : شنو احب بالناس وشنو اكره؟
او شنو انا احب وشنو اكره؟
ولا شلون انا عايشه حياتي؟
ولا شلون ابي اعيش حياتي؟
 انا مبتدئه بالكتابه
وعاجبني هالمجال ويبين مع الوقت 
من انا ؟